DOMINIO VITIVINÍCOLA POR EXCELENCIA
A vila das adegas agochadas
Regado polo río Sil, no chan fértil de Vilamartín reina o viño e atópase a sede do Consello Regulador da D.O. Valdeorras.
As súas famosas adegas subterráneas e centenarias pasan desapercibidas a ollos de quen as busca, pois delas só percíbense unhas curiosas chemineas que sobresaen da terra.
Non te perdas
Covas de Vilamartín
Descubre as adegas escavadas na terra ou pedra, na que durante séculos elaborouse e conservou o viño da rexión. Posúen un incalculable valor etnográfico e histórico. Nelas organízase cada ano unha gran festa con degustacións e actuacións musicais.
Área recreativa do Bañadoiro
Grande espazo con zona de baño mediante un pantalán ao río Sil que, dende 2023, conta con todo tipo de servizos, incluído aloxamento, lecer e restauración. Perfecto para facer unha parada no teu Camiño de Inverno e gozar das marabillosas vistas da contorna.
Pasarela da Penouta
Moi popular entre locais e peregrinos, esta ponte colgante é un dos emblemas de Vilamartín. A estrutura que une este municipio coa aldea de Penouta cruzando o río Sil, permitirache gozar de vistas únicas e da gran beleza paisaxística da contorna.
Aldea de Cernego
Un enclave privilexiado, un pintoresco núcleo de vivendas típico das montañas de Valdeorras que convida a perderse. Coñece máis de preto a vida das súas xentes e a tradición que descansa nesta preciosa aldea rodeada de monte, castiñeiros e pequenas fontes.
Contacto
Enderezo postal
Rúa da Constitución nº8, 32340, Vilamartín, Ourense
Teléfono
988 300 001