PORTA DE GALICIA
Para os amantes da espeleoloxía
Rubiá é o paraíso natural de Valdeorras para calquera que queira reconectar coas súas orixes.
Recibe cos brazos abertos a todos aqueles curiosos que, na súa andaina polo Camiño de Inverno, deciden repousar neste municipio cuxa importancia data xa da época romana.
Non te perdas
Parque Natural de Serra da Enciña da Lastra
O Mediterráneo en Galicia. Este espazo excepcional reúne a fauna e flora típicas do levante. Os seus roteiros levan a incribles paraxes e destacan, especialmente, as máis de 200 grutas ou palas, fogar de centenares de aves e colonias de morcegos.
Mirador de Caprada
A través da Ruta do Real de Oulego, chegarás a un dos puntos máis elevados e espectaculares do Parque Natural. Este balcón, cunha panorámica inigualable, permitirache deter e observar a natureza en todo o seu esplendor.
Vía Nova romana
Trátase dunha das primeiras estradas construídas no interior de Galicia, unindo Braga e Astorga. O tramo que pasa polo Parque Natural foi recuperado recentemente respectando as características típicas das vías romanas orixinais.
Capela da Virxe do Camiño
Parte dunha rede de confrarías no século XVII, a súa situación facíaa moi útil para peregrinos e labradores. Hoxe alberga unha figura moi venerada, que cada ano é trasladada por mulleres da zona vestidas co traxe tradicional galego ata a Igrexa de Santa Mariña.
Contacto
Enderezo postal
Rúa do Campo nº8, 32310, Rubiá, Ourense
Teléfono
988 324 146