Praia fluvial dos Franceses

Praia fluvial de area fina, equipada con antucas e zona recreativa á sombra dunha arborada. Sitúase na marxe esquerda do río Xares, na súa desembocadura no Encoro de Prada, xusto antes da ponte para acceder ao núcleo urbano da Veiga.

Esta área recreativa, situada en plena montaña, recibe o seu nome dos emigrantes franceses, que eran os que a utilizaban cando volvían de vacacións a este municipio turístico.

Durante os meses de verán é posible alugar piraguas, kaiaks, táboas de pádel surf ou mesmo os servizos de embarcacións como o Catamarán da Alberguería, que percorre o encoro da man dun guía coa historia propia da construción do mesmo e da vila que se mergulla baixo as súas augas.