Ponte romana de Éntoma

Este paso sobre o río Galir destaca polo seu arco de medio punto de 6,75 metros de luz, realizado en lousa. Segundo a tradición, as grandes pedras sen labrar sobre as que se asenta foron traídas aos ombreiros polos romanos.

Esta ponte é un dos pasos máis destacados do Camiño de Inverno en Valdeorras. Os peregrinos que por aquí pasan, ademais de admirar a singularidade deste paso, aproveitan para gozar do núcleo rural de Éntoma, repleto de casas de arquitectura tradicional con pedras á vista, xanelas de madeira e cubertas polos icónicos tellados de lousa.