UN DESTINO DE CONTO CHEO DE HISTORIA
Historia, encanto e natureza
En pleno corazón de Valdeorras, entre as augas do río Sil, o Encoro de San Martiño e o río Xares, atópase este municipio de interior con aires mariñeiros.
As súas rúas empedradas pero cheas de vida, especialmente polas noites, a pegada da historia dos seus habitantes, dende os romanos ata os suevos, reflectida nalgúns dos seus monumentos, farán que che namores de cada recuncho cando o visites.
Non te perdas
Ponte da Cigarrosa
Esta curiosa ponte romana-medieval, de piares e arcos desiguais, une os municipios da Rúa e Petín á altura do impoñente Encoro de San Martiño. Percorre anos de historia paseando por este Ben de Interese Cultural.
Igrexa de Santa María de Mones
Aínda que o seu estilo é románico tardío, a súa historia está ligada estreitamente co imperio romano. Situada sobre un castro, son moitos os vestixios romanos atopados nos seus arredores.
Ponte de Portomourisco
Aínda que contan que o seu pasado podería ser medieval, a súa aparencia actual é do século XVIII. Esta ponte dun único arco de 13 m de altura conquista a aquel que o visita.
Casco histórico de Petín
Poderíase dicir que é un dos cascos antigos máis pintorescos da provincia. As súas rúas estreitas e empedradas, así como as bonitas casas abalconadas, son as protagonistas.
Contacto
Enderezo postal
Rúa do Barcelo nº7, 32356,
Petín, Ourense
Teléfono
988 310 223