Mosteiro e Igrexa de San Miguel de Xagoaza

Trátase dunha das xoias do patrimonio histórico do Barco de Valdeorras. A igrexa de San Miguel data do século XII e nela pódese ver a cruz de Malta sobre a súa porta principal, lembrando que este lugar foi administrado pola Orde de San Xoán de Xerusalén. Destaca a porta sur da igrexa, caracterizada por unha ábsida semicircular, típico da arte románica.

O mosteiro, datado do século XVIII, conta no seu interior cun pequeno claustro, portificado no seu andar inferior e flanqueado por galerías de madeira acristalada no seu parte superior. Na actualidade, esta construción foi reconvertida nunha moderna adega que elabora viños da variedade godello. As modernas instalacións contan con varias salas para o desenvolvemento de diversos actos culturais, ademais de albergar o propio labor vitivinícola, destacando unha adega-cova escavada na roca.