Miradoiros
As mellores vistas
Se falamos de paisaxe, Valdeorras non ten nada que envexarlles a outras zonas máis coñecidas de Galicia. A comarca conta cunha ampla rede de balcóns dende onde contemplar unha excepcional panorámica das montañas, viñedos e vales milenarios cavados pola forza da auga, e poder asaltar o ceo.
Aínda que son moitos os miradoiros, recomendámosvos que non vos perdades: Alixo, no que ver ata As Medulas; Barranco Rubio, cuxas vistas cortaranche o alento; Cambela, para contemplar o esplendor da xoia na pedra das Ermidas; Chandoiro e o seu gran manto da vide; e Salesa, co banco máis raro do mundo.