Contacto
Enderezo postal
Calle Orense, 32350 A Rúa, Ourense
Coordenadas GPS
42.411403474191985, -7.132240239311681
Para gozar dunha incrible panorámica das terras de Valdeorras, a visita do Miradoiro de Barranco Rubio é obrigatoria. Situado a uns 800 metros de altitude, atópase na cima dunha ladeira con forte pendente sobre o val do río Sil.
Dende aquí pódese admirar lugares da redonda, como a Serra do Cereixido, que pecha a comarca de Valdeorras pola súa banda norte, con altitudes que a asimilan ao Courel, continuación xeográfica da mesma. Mirando cara ao sur, pódese ver os núcleos da Rúa e Petín, ademais do singular Encoro de San Martiño e as grandes extensións de viñedo que cobren as ladeiras deste val aproveitando o máximo potencial destas terras para a elaboración dos viños da D.O. Valdeorras.
