Contacto
Enderezo postal
Larouco
Coordenadas GPS
42.34666207627695, -7.146391175164848
O Lagar das Pedreiras foi descuberto polo viticultor local Mario Yáñez no 2020. Este descubrimento arqueolóxico de gran valor histórico obtívose mentres realizaba traballos nas terrazas das súas terras.
Aínda que é difícil datalo con precisión, este lagar é unha mostra da relevancia da viticultura neste territorio no pasado, polo que este achado pon en valor a riqueza patrimonial de Larouco. A preservación deste xacemento é clave para entender a evolución e a importancia da viticultura na zona.
Ademais, xunto aos outros dous lagares descubertos, o das Pedreiras forma parte da “Ruta Romana do Viño”, un percorrido histórico sobre a cultura e a tradición do viño neste territorio.
