Igrexa de Santa María da Proba

Localizada na parroquia da Proba, a menos de 3 quilómetros da capital de Valdeorras, esta igrexa, de estilo románico e liñas sobrias, ten as súas orixes no século XII, aínda que sufriu varias reformas. Disque, para a súa construción -en cachotería e con perpiaños de granito para reforzar as esquinas-, utilizáronse pedras dunha igrexa situada en terreos próximos.

O edificio conta cunha soa nave rectangular, pechada no seu lado oriental por unha cabeceira coa mesma planimetría. Presenta unha cuberta a dúas augas en lousa. A igrexa foi reformada en diversas ocasións. De feito, orixinariamente, contaba con dous puntos de acceso -uno na fachada occidental e outro no costado meridional.

Un destes accesos foi pechado despois da profunda transformación que sufriu o inmoble no século XVI. Constatouse que esta capela tamén dispoñía dunha sancristía encastada no seu exterior, pero que foi suprimida na última das reformas.