Centro de Desenvolvemento Turístico de Fonte da Cova

Aos pés do Macizo de Pena Trevinca, atópase Fonte da Cova, unha zona con moito encanto elevado a uns 1800 metros sobre o nivel do mar. Na década dos 70, nesta zona, existía unha estación de esquí que facía as delicias dos turistas, a zona préstase a realizar sendeirismo, así como outras actividades en contacto coa natureza, debido ao seu enclave único.

O Centro de Desenvolvemento Turístico de Fonte da Cova, punto neurálxico da zona, foi inaugurado en 2007 como un hotel rural, e a pesar de estar pechado uns anos, en 2014 celebrou a súa esperada reapertura. Dende entón, converteuse nunha peza fundamental para os amantes do turismo de aventura ou o turismo gastronómico, xa que conta cun restaurante no que se serve comida típica da zona cun toque moderno. Unha experiencia única para os cinco sentidos.