Castro de Cabanelas

O Castro de Cabanelas, situado entre Larouco e Petín, atópase a 700 metros de Seadur e é un enclave histórico de gran interese. Este asentamento atópase no alto dun monte cuxa roca predominante é o granito de gran groso. Ademais dun foso, alí apréciase unha muralla, con forma semicircular, construída con bloques irregulares deste mesmo material que rodeaba o asentamento.

Este lugar ofrece unhas vistas impresionantes do río Sil e do val da Rúa, ademais de permitir observar Petín, Mones, Sampaio e outras aldeas próximas.

O Castro de Cabanelas ten unha lenda que os seus aldeáns contan con toda credibilidade. Disque aí houbo primeiro un poboado con cabanas, e logo un castelo dos mouros que os veciños de Seadur desmontaron para usar as súas pedras na construción da actual igrexa da vila.