Castelo do Bolo e Centro de interpretación

Esta construción defensiva, obra de Juan Pimentel, situada estratexicamente no alto do outeiro do Bolo, data de entre os séculos XV e XVI. O primeiro castelo do Bolo era previsiblemente moito máis grande, e data de principios do século XII, baixo o mandato de Dona Urraca.

Na actualidade, foi restaurado e pódese visitar para gozar da historia deste espectacular emprazamento. Ademais de facer un percorrido polo mesmo centro de interpretación que se atopa no seu interior, tamén poderás subir os 18 metros de altura da súa torre para contemplar unha panorámica de infarto.