Camiños e rutas
Valdeorras é a porta de Galicia e o Camiño de Inverno a súa entrada natural dende a Meseta. Ata 30 quilómetros pola comarca! Percorre practicamente o curso do caudaloso río Sil, cruza as súas pontes e dáche un paseo de conto entre a vide por Carballeda, Rubiá, O Barco, Vilamartín e A Rúa.
Todos os camiños levan a Roma
Esta variante do Camiño foi un acceso utilizado xa polos romanos coa calzada Vía Nova que unía Braga e Astorga, como senda alternativa ás montañas nevadas do Cebreiro. O tramo que pasa polo Parque Natural da Serra da Enciña da Lastra foi recuperado para os que queiran revivir o pasado.
Todos os camiños levan a Roma
Esta variante do Camiño foi un acceso utilizado xa polos romanos coa calzada Vía Nova que unía Braga e Astorga, como senda alternativa ás montañas nevadas do Cebreiro. O tramo que pasa polo Parque Natural da Serra da Enciña da Lastra foi recuperado para os que queiran revivir o pasado.
Turismo activo
Para os afeccionados do ciclismo, os fanáticos do viño e os amantes da natureza, a Ruta BTT do Viño de Valdeorras teno todo. Deporte e turismo danse cita neste evento anual que crece edición tras edición, con catas e visitas guiadas paralelas gratuítas para todos os participantes.
Se prefires explorar a zona por libre, goza das nosas propostas de sendeirismo. Aptas para todos os públicos, con maior ou menor desnivel, e de curta e longa distancia. Bótalles un ollo a todos os plans para coñecer o destino Valdeorras como a palma da túa man.
