Banco Miradoiro ao Río Sil de Fervenza

É un dos puntos de unión entre O Barco de Valdeorras e Vilamartín de Valdeorras. Este banco, que foi construído por dous veciños do lugar de Fervenza, localízase nun camiño que une esta localidade coa veciña de Correxais (Vilamartín) e simboliza esa convivencia entre ambos municipios.

Dende aquí pódese admirar a beleza do curso do río Sil, cos seus fermosos canóns formados ao seu paso pola comarca valdeorresa. Na parte posterior deste banco, poden verse talladas as indicacións dos lugares de Fervenza e Correxais, coas seguintes lendas: “Non hai viño malo” e “Sentidiño, que cabeza ten calquera”.