Área recreativa do Aguillón

Este espazo sitúase a medio quilómetro do centro urbano da Rúa, nos arredores do Encoro de San Martiño.

Combina diferentes instalacións deportivas municipais (canchas de tenis, pavillón polideportivo e campo de fútbol) con outro tipo de zonas de lecer. Ademais, destaca un lugar habilitado para autocaravanas, ofrecendo un enclave próximo ao destacado humidal, onde se pode gozar da natureza e practicar actividades deportivas.

Esta área recreativa dispón tamén de mesas e bancos para gozar dun agradable xantar baixo as árbores. Complétase cun amplo parque infantil que fai as delicias dos máis pequenos. Un espazo estupendo para gozar dun día diferente en familia.