MONTAÑA MILENARIA, MITOLOXÍA E ESTRELAS
Tocando o ceo de Galicia
Ideal para aquelas persoas que lles gusta a escalada e o sendeirismo, Valdeorras presume da Veiga como cume de Galicia.
A natureza rexe este lugar onde as estrelas foron testemuña das mellores historias. Montañas sacras, bosques encantados e personaxes de conto na terra máis mística da comarca.
Non te perdas
Lagoa da Serpe
Dentro do espazo natural de Pena Trevinca, entre plantas carnívoras, atópase este glaciar envolto en lenda. Disque aquí reside unha serpe xigante que se transforma nunha fermosa muller as noites de lúa chea capaz de atrapar aos visitantes coa súa beleza.
Pena Trevinca
O teito de Galicia, pico máis alto da Comunidade Autónoma con 2127 m de altitude, limitando con Castela e León. Zona de especial protección de aves na que apenas se aprecia pegada humana. Goza das paisaxes subalpinas e dun espectáculo de fauna e flora salvaxe.
Centro astronómico de Trevinca
As montañas da Veiga foron declaradas en 2015 Destino Starlight, erixindo dende entón un dos mellores observatorios do país para observar as estrelas. Telescopios de alta tecnoloxía, un planetario en 4K, exposicións e un simulador de voo espéranche aquí.
Cántara da Moura
Parte da mitoloxía galega repousa neste frondoso bosque bañado polo río Corzos, no que unha fermosa moura poñía a proba a bondade de quen frecuentaba o lugar premiándoos con moedas ou converténdoos en pedra. Tamén serviu de refuxio para os maquis.
Contacto
Enderezo postal
Praza do Concello nº 1, 32360, A Veiga, Ourense
Teléfono
988 350 000